Një 62-vjeçar ka humbur jetën pasi u rrëzua aksidentalisht në banesën e motrës së tij në Korçë.
Viktima, banues në Bilisht, kishte shkuar për vizitë kur ndodhi ngjarja. Sipas informacioneve paraprake, ai rrëshqiti në tualet dhe pësoi dëmtime të rënda në kokë.
62-vjeçari u transportua me ambulancë në spital, por nuk arriti t’u mbijetojë plagëve.
Policia ka nisur hetimet për të sqaruar rrethanat e ngjarjes, ndërsa trupi do t’i nënshtrohet ekspertizës mjeko-ligjore.
