Euroja ka përjetuar një rritje të lehtë pas një periudhe të gjatë zhvlerësimi ndaj lekut.
Që nga gushti, monedha evropiane kishte rënë nën 100 lekë, dhe nuk kishte shenja përmirësimi deri në fund të janarit 2025. Sipas Bankës së Shqipërisë, në 12 gusht 2024 euro ra për herë të parë poshtë 100 lekëve. Kursi i këmbimit i vitit 2024 shënoi një rënie të fortë të euros, duke përforcuar lekun, përpara se të stabilizohej paksa në fund të vitit.
Më 14 nëntor 2024, euro arriti nivelin më të ulët, duke u këmbyer me 98.11 lekë. Viti 2025 nisi me një rritje të vogël të euros, që u këmbye me 98.23 lekë më 6 janar. Rritja e euros u intensifikua në javën e fundit të janarit, duke krijuar ndikime të shumta dhe sot ajo këmbehet me 99.4 lekë.
Fondi Monetar Ndërkombëtar paralajmëroi se një rikthim në nivelet e 2022-tës të euros mund të dëmtonte sektorin financiar dhe familjet, për shkak të kredive të këqia. Rritja e euros do të kishte gjithashtu ndikime pozitive për bizneset eksportuese, ndërsa do të ndikonin negativisht importet.
FMN sugjeron një kurs këmbimi më fleksibël, me ndërhyrje të kufizuara për të balancuar luhatjet e kursit.
