Një zjarr ka rënë në qytetit të Durrësit, në një sipërfaqe toke në lagjen 16. Vatra e zjarrit ndodhet pranë disa banesave, gjë e cila rrezikon përfshirjen e tyre. Si pasojë e kësaj në zonë janë përhapur re të mëdha tymi, ndërsa forcat zjarrfikëse kanë shkuar menjëherë në vendngjarje.
Ata po punojnë për izolimin dhe shuarjen e flakëve, me qëllim parandalimin e përhapjes së së tyre drejt banesave. Nuk raportohet për persona të lënduar si pasojë e kësaj ngjarje, ndërsa autoritetet përkatëse po hetojnë më shumë për të zbuluar shkaqet e rënies së tij.
