Kur jemi 24 orë nga ndeshja e Kombëtares Shqiptare kundra asaj çeke, trajneri i Shqipërisë, Silvinjo, ka mbajtur një konferencë për shtyp së bashku me mesfushorin, Nedim Bajrami sa i përketë pritshmërive për rezultatin e kësaj ndeshje që luhet për “Nation League”.
Silvinjo e konsideroi Çekinë si një kundërshtar të fortë por sipas tij skuadra është përgatitiur për një fitore dhe jo një barazim. Ai shtoi se skuadra do të futet në fushë për të dhënë më të mirën dhe pse jo për të ‘rrëmbyer’ 3 pikë.
“Do të jetë një sfidë e rëndësishme, duke ditur që Çekia është skuadër e ashpër dhe shumë e vështirë. Kanë lojtarë shumë të mirë. Ne vijmë këtu për të luajtur. Jemi përgatitur për këtë ndeshje. Asnjë trajner nuk e përgatit ndeshjen për të barazuar, ne futemi në fushë për më të mirën. Kjo është jeta e një trajneri. Je gjithë kohën duke menduar dhe punuar. Puna në kombëtare është e tillë. Ka pak ditë kohë për të përgatitur ndeshjen. Jemi vazhdimisht në studim të kundërshtarit. Kam besim te skuadra dhe praktikisht e kam vendosur formacionin. Kemi realizuar disa stërvitje, është pak kohë për përgatitje, por futemi në fushë për të dhënë më të mirën.” deklaroi Silvinjo
Ndërsa mesfushori Nedim Bajrami foli për rëndësinë e madhe që ka sfida me Çekinë. Sipas tij skuadra ka mungesa dhe se me rëndësi të madhe do të jetë fitorja. Ai u shpreh se ‘kuqezinjtë’ e njohin mirë skuadrën çeke dhe se minutat e para të ndeshjes do të jenë të rëndëshishme ndaj duhet të jenë të kujdesshëm.
“Goli që shënova në Çeki i përket të kaluarës, nesër është një sfidë tërësisht tjetër. Jemi përgatitur shumë për një përballje të vështirë. Me rëndësi është të mos humbasim ndeshjen, pasi e dimë që është një skuadër e fortë dhe shumë e vështirë në shtëpi
E dimë qe na mungojnë disa lojtarë, por besoj se gjithë skuadra është gati. Kemi edhe djem të rinj, si Tuçi, që bëri sot stërvitje me ne. I dimë mungesat, por nuk kanë rëndësi. Siç thashtë djemtë janë gati dhe janë përgatitur shumë. Besoj se çdo ndeshje ka peshën e vet, por nesër hymë në fushë për të dhënë maskimumin. E njohim kundërshtarin, ama pavërësisht ndeshjeve të mërparshme nesër nga prtet diçka tjetër, por ne jemi gati. Për fitimin e grupit është ende herët për të folur, pasi ne futemi në fushë për të fituar çdo ndeshje, megjithatë siç thashtë edhe më parë jemi të fokusuar te sfida e nesërme”tha Bajrami.
Jemi një skuadër e fortë, qoftë si grup ashtu edhe individualisht, megjithatë duhet parë se çfarë rezultati do të arrimë. Çekët sulmojnë fort në minutat e para, duhet të bëjmë shumë kujdes.” tha Bajrami
Ndeshja Shqipëri- Çeku luhet nesër në orën 20:45 për Ligën e Kombeve. Shqipëria ka fituar me Ukraninën me rezultatin 2-1; ndërsa me Gjeorgjinë, kuqezinjtë humbën me rezultatin e ngushtë, 0-1. Aktualisht, vendin e parë në grup e ka skuadra e Gjeorgjisë, e cila ka grumbulluar 6. Shqipëria ndan vendin e dytë me Çekinë, secila me nga 3 pikë. Nations League është e rëndësishme pasi 4 skuadrat më të mira nga vendet e para, kualifikohen për në play-off për Kupën e Botës. Pra vendi i parë në grup na jep shanse që në vitin 2026, të jemi pjesë e Kampionatit Botëror.
