Kryeministrja italiane, Giorgia Meloni, është vënë nën hetim për akuzat e ndihmës dhe nxitjes në lirimin dhe riatdhesimin e komandantit libian Almasri, i kërkuar nga Gjykata Penale Ndërkombëtare. Sipas raporteve të mediave të huaja, një njoftim i tillë është dërguar edhe nënsekretarit Alfredo Mantovano, si dhe ministrave të Drejtësisë, Carlo Nordio, dhe ministrit të Brendshëm, Matteo Piantedosi.
Meloni e ka bërë të ditur lajmin në një video të postuar në rrjetet e saj sociale, duke shpjeguar se prokurori Francesco Lovoi, i përfshirë edhe në gjyqin e dështuar të Matteo Salvinit për rrëmbim, e ka informuar për hetimin lidhur me çështjen e riatdhesimit të Almasri. Kryeministrja tha se hetimi mund të ketë lindur pas një ankese të bërë nga avokati Luigi Li Gotti, një politikan i majtë me lidhje të ngushta me Romano Prodin dhe i njohur për mbrojtjen e individëve të përfshirë në krime të rënda.
Në reagimin e saj, Meloni theksoi: “Nuk mund të shantazhohem dhe nuk jam e frikësuar. Ata që nuk duan që Italia të ndryshojë, mund të mos më pëlqejnë, por unë do të vazhdoj të mbroj interesat e italianëve, veçanërisht kur rrezikohet siguria e kombit.”
