Tensione të reja janë regjistruar para godinës së Kuvendit, ku protestuesit janë ulur këmbëkryq në hyrje të Parlamentit, në përpjekje për të bllokuar daljen e deputetëve pas përfundimit të seancës plenare.
Pas kësaj lëvizjeje, Policia ndërhyri për të larguar protestuesit nga perimetri i sigurisë, duke përdorur sprej lotsjellës.
Gjatë ndërhyrjes, një person u shoqërua nga efektivët, ndërsa deri tani nuk janë bërë të ditura zyrtarisht arsyet e shoqërimit.
Në vijim të përplasjes, një pjesë e protestuesve hodhën sende në drejtim të forcave të Policisë, ndërsa efektivët vijuan përdorimin e sprejit lotsjellës për të shpërndarë turmën.
Situata në zonën përreth Parlamentit mbetet e tensionuar, ndërsa në terren janë të pranishme forca të shumta policore.
