Policia italiane arrestoi në Padova një të ri shqiptar që ishte përfshirë në trafikun e drogës.
I ndaluari është një 21-vjeçar, banor në provincën e Breshias, në komunat Este dhe Sant’Elena dhe i skeduar më parë.
Menjëherë pas informacioneve, karabinierët ngritën postblloqe dhe grupe ndjekjeje për një automjet të dyshimtë të regjistruar në emër të një kompanie qiraje makinash në Lombardi.
Bastisja filloi kur oficerët ndaluan automjetin në Via Principe Amedeo në Este, pikërisht kur i dyshuari po i shiste një dozë kokaine një 31-vjeçari vendas.
I riu u ndalua dhe u kontrollua: brenda automjetit u gjetën 12 doza të tjera të së njëjtës substancë dhe para të gatshme.
Kontrolli u zgjerua, me ndihmën e njësisë së qenve të Torreglia-s, në dhomën në një strukturë në Sant’Elena ku i dyshuari kishte qëndruar gjatë ditëve të fundit.
Operacioni rezultoi në rikuperimin e një sasie të konsiderueshme kokaine gati për shitje, afërsisht 360 doza të paketuara në mënyrë të përshtatshme, dhe shumën prej 3,365 eurosh në para të gatshme, të ndara në kartëmonedha me prerje të ndryshme, që besohet të jenë të ardhura nga aktiviteti i paligjshëm.
I riu u arrestua dhe me urdhër të Prokurorisë, u dërgua në Burgun e Rovigos.
