Liverpool ka zyrtarizuar afrimin e mbrojtësit francez Jeremy Jacquet nga Rennes, duke shtuar një tjetër emër në repartin defensiv.
Klubi anglez ka njoftuar se marrëveshja me lojtarin është mbyllur për një kontratë afatgjatë, ndërsa transferimi pritet të finalizohet plotësisht pas përfundimit të procedurave të nevojshme administrative.
Sipas raportimeve, shifra e transferimit arrin në 55 milionë euro, një investim i rëndësishëm nga Liverpool për një lojtar që shihet si pjesë e projektit afatgjatë të klubit.
Jacquet vjen nga Rennes, ku zhvilloi 33 ndeshje në të gjitha kompeticionet. Mbrojtësi francez regjistroi edhe një asist, i cili erdhi në përballjen e Ligue 1 ndaj PSG-së.
Me këtë lëvizje, Liverpool synon të forcojë mbrojtjen dhe të shtojë më shumë cilësi e perspektivë për sezonet e ardhshme.
