Ministri për Evropën dhe Punët e Jashtme, Igli Hasani, përmes një postimi në rrjetet sociale ka kujtuar sot Ditën Ndërkombëtare të Përkujtimit të Holokaustit.
Hasani shkruan në këtë 80-vjetor përkujtimi nderohen 6 milionë gra, burra, të moshuar dhe fëmijë që humbën jetën gjatë Holokaustit, si dhe ata që mbijetuan.
“Në 80-vjetorin e Çlirimit të Aushvicit dhe Ditës Ndërkombëtare të Përkujtimit të Holokaustit, nderojmë gjashtë milionë gra, fëmijë dhe burra hebrenj, të cilët humbën jetën gjatë Holokaustit, së bashku me të tjerë të panumërt që iu rezistuan vuajtjeve të paimagjinueshme.”, shkruan ai.
Ndër të tjera, Ministri Hasani nënvizon se: “Ky rast solemn na sfidon të gjithëve të mësojmë nga historia, të përballemi me rritjen shqetësuese të antisemitizmit dhe të përpiqemi për një të ardhme të mishëruar nga drejtësia, humanizmi dhe paqja. Nuk do të harrojmë kurrë. Ne përkujtojmë.”
