Bayern Munich ka mbyllur marrëveshjen për transferimin e Nathaniel Brown nga Eintracht Frankfurt. Sipas Fabrizio Romano, gjithçka është dakordësuar mes klubeve dhe mbrojtësi i majtë do të vazhdojë karrierën në “Allianz Arena”.
Talenti gjerman kishte arritur prej javësh marrëveshjen personale me bavarezët dhe ia kishte bërë të qartë drejtuesve të Frankfurtit se dëshironte vetëm transferimin te Bayern Munich.
Klubi bavarez do të paguajë 55 milionë euro për kartonin e 23-vjeçarit, ndërsa lojtari do të nënshkruajë një kontratë pesëvjeçare me gjigantët e Bundesligës.
Brown vjen pas një sezoni shumë pozitiv me Eintracht Frankfurt, ku zhvilloi 42 ndeshje në të gjitha kompeticionet, duke shënuar 4 gola dhe dhënë 6 asistime. Transfermarkt e vlerëson lojtarin në 40 milionë euro, por Bayern ka vendosur të bëjë një investim më të madh për ta siguruar.
