Një ngjarje tronditëse është regjistruar në Heraklion të Kretës ku një 26-vjeçare së bashku me partnerin e saj kanë dhunuar barbarisht e në mënyrë mizore fëmijën e saj 3-vjeçar.
Sipas mediave vendase mësohet se e reja së bashku me partnerin e saj 44-vjeçar kanë rrahur me dërrasa e sende të forta fëmijën e saj 3-vjeçar i cili aktualisht ndodhet në spital i intubuar, në gjendje të rëndë për jetën.
Makthi që engjëlli i vogël ka përjetuar për të paktën tre muaj u zbulua vetëm mesditën e kësaj të diele, pas një telefonatë që një nga banorët e zonës bëri në Komisarat.
Fëmija jetonte në banesë me nënën e tij 26-vjeçare dhe me partnerin e saj 44-vjeçar i cili thuhet se është një përdorues i lëndëve narkotike.
Ishte fqinji i çiftit ai i cili dërgoi me urgjencë në spital 3-vjeçarin dhe më pas së bashku me doktorin lajmëruan Policinë.
Sipas raportimeve në trupin e fëmijës kishte shenja të dukshme dhune si mavjosje, çarje, djegie nga cigaret, të kryera në intervale të ndryshme kohore.
Aktualisht 3-vjeçarja ndodhet e intubuar në gjendje kome, sakaq pritet që në vijim t’i nënshtrohet një operacioni pasi janë konstatuar hematoma në tru dhe këputje e aortës abdominale.
Sakaq policia ka arrestuar çiftin, ndërkohë nga hetimet rezulton se 3-vjeçari është rrahur me copa druri nga shtrati i tij.
Dy të arrestuarit akuzohen për vrasje të mbetur në tentativë, lëndim trupor ndaj personit të pambrojtur dhe dhunë në familje. Gjithashtu, tek 44-vjeçari iu gjetën edhe shtatë tableta Xanax, për të cilat nuk kishte recetën e nevojshme mjekësore.
