Kryeministri dhe njëherazi kryetari i Partisë Socialiste, Edi Rama, do të mbledhë mëngjesin e së mërkurës drejtuesit politikë të qarqeve në selinë rozë. Sipas raportimeve të mediave shqiptare, takimi pritet të nisë në orët e para të ditës dhe vjen në një moment kur PS po vijon procesin e riorganizimit të strukturave dhe koordinimit të punës në terren.
Burime bëjnë të ditur se në fokus të mbledhjes do të jenë prioritetet e qeverisë, organizimi i strukturave në qarqe, si dhe intensifikimi i angazhimit politik në nivel vendor. Takimi zhvillohet në një klimë debatesh politike dhe spekulimesh mbi lëvizje të mundshme brenda Partisë Socialiste, ndërsa deri tani nuk ka një njoftim zyrtar mbi rendin e ditës.
