Franca siguroi kalimin në fazën e 1/16-ave të Kupës së Botës pas fitores së pastër ndaj Irakut, në një ndeshje ku Kylian Mbappé ishte sërish protagonisti kryesor.
Sulmuesi i Real Madridit shënoi dy herë dhe barazoi Miroslav Klosen me 16 gola në historinë e Botërorit. Tani, francezi ka në shënjestër rekordin e Lionel Messit, i cili ka arritur në kuotën e 18 golave.
Mbappé zhbllokoi ndeshjen me një goditje nga jashtë zone, ndërsa më pas përfitoi nga një gabim i rëndë në mbrojtjen e Irakut për të shënuar golin e dytë personal. Pak më vonë, Dembélé realizoi edhe golin e tretë për Francën.
Ndeshja në Filadelfia u ndërpre për më shumë se një orë për shkak të një stuhie të fortë me reshje dhe paralajmërim për rrufe. Megjithatë, ndërprerja nuk ndryshoi rrjedhën e takimit, pasi skuadra e Didier Deschamps vazhdoi të kontrollonte gjithçka.
Iraku nuk arriti të reagonte, ndërsa Franca tregoi edhe një herë forcën e saj në sulm. Me Mbappé, Dembélé dhe Olise në fushë, kampionët e mëdhenj europianë mbeten ndër favoritët kryesorë për të shkuar deri në fund.
