Franca pritet të përfshihet nga një valë e fortë të nxehti duke filluar nga dita e mërkurë, ndërsa temperaturat mund të arrijnë deri në 40°C gjatë fundjavës, ka paralajmëruar Météo-France.
Gjatë një konference për shtyp, meteorologia Christelle Robert deklaroi se modelet aktuale të parashikimit tregojnë mundësinë e temperaturave shumë të larta në disa rajone të vendit.
“Sipas disa modeleve, temperaturat mund të arrijnë deri në 40°C në zona të caktuara”, u shpreh ajo.
Rajonet më të rrezikuara nga i nxehti ekstrem janë Poitou-Charentes, Centre-Val de Loire, Île-de-France dhe Rhône Valley, ku temperaturat mund t’i afrohen ose edhe të arrijnë nivelin e 40 gradëve Celsius në disa zona lokale.
Vala e të nxehtit pritet të kulmojë të dielën, në ditën e solsticit të verës, duke ngritur shqetësime për ndikimin në shëndetin publik, bujqësi dhe infrastrukturë. Autoritetet franceze po monitorojnë situatën dhe mund të lëshojnë paralajmërime shtesë nëse temperaturat vijojnë të rriten.
