E ardhmja e Darwin Nunez te Liverpool duket e pasigurt. Uruguajani nuk ka arritur dot të fitojë një vend titullari dhe duket i pakënaqur me situatën që po kalon te klubi i kuq. Gjë kjo që ka ngjallur interesin e disa klubeve të mëdha.
Mes tyre, Napoli, i drejtuar nga Antonio Conte, është shfaqur së fundmi si një kandidat i fortë për të siguruar shërbimet e Nunez në këtë merkato. Ish-kampionët e Italisë, thuhet se janë të gatshëm të bëjnë një përpjekje të konsiderueshme financiare për të siguruar transferimin e sulmuesit uruguaian.
Interesi i Conte-s dhe përshtatja taktike në sistemin e tij duket se janë faktorë që mund të joshin Nunez për t’u transferuar në Serie A, aty ku mund të gjejë vazhdimësinë për t’u kthyer në atë lojtar vendimtar që tërhoqi vëmendjen e klubeve të mëdha gjatë kohës kur ishte te Benfica.
Pavarësisht se Nunez nuk i ka bindur plotësisht dhe nuk i ka justifikuar 85 milionë eurot e shpenzuara për të, Liverpool-i nuk do të heq dorë lehtë prej tij vetëm në rast se merr ndonjë ofertë të leverdisshme. Deri tani nuk flitet ende për shifra, por Napoli do të përpiqet deri në fund të merkatos për të bërë goditjen e madhe. Ardhja e Nunez do ishte një plus i madh për Napoli-n në garën për titullin në Serie A.
