Një studim i fundit ka zbuluar se pjekuria emocionale nuk arrin të zhvillohet në të njëjtën moshë për burrat dhe gratë. Sipas hulumtimit, gratë arrijnë nivelin e pjekurisë emocionale në moshën 32 vjeçare, ndërsa burrat, përkundrazi, vazhdojnë të zhvillohen deri në moshën 43 vjeçare.
Ky rezultat ka ngritur pyetje rreth dallimeve të thella në mënyrën se si burrat dhe gratë përballen me sfidat emocionale dhe marrin përgjegjësi në marrëdhënie.
Një aspekt tjetër i habitshëm i studimit është se 80% e grave shprehen se burrat shpesh shfaqin “zakone fëmijërore”, siç janë fiksimi pas ushqimit të shpejtë dhe lojërave, që duket se i ndjekin gjatë gjithë jetës. Ky fenomen sugjeron se zhvillimi i pjekurisë emocionale dhe marrja e përgjegjësive mund të jetë më i ngadalshëm për burrat, duke krijuar një hendek mes dy gjinive në këtë aspekt të rëndësishëm të jetës.
Një tjetër gjetje e studimit është se gratë shpesh ndodhen në pozitat e vendimmarrësve në marrëdhënie, duke marrë rolin e kujdestarëve emocionale. Shumë gra theksojnë se kanë ndier nevojën t’i kujtojnë partnerëve të tyre “të veprojnë në moshën e tyre”, duke i nxitur ata të marrin vendime më të pjekura dhe të marrin përgjegjësitë që iu takojnë.
Ky studim ka nxjerrë në pah një aspekt të rëndësishëm të marrëdhënieve dhe zhvillimit personal, duke sugjeruar se pjekuria emocionale është një proces që mund të ndjekë ritme të ndryshme midis gjinive dhe se ky hendek mund të ndikojë në dinamiken e marrëdhënieve dhe përgjegjësitë që burrat dhe gratë marrin gjatë jetës.
