Lamine Yamal vazhdon të mahnisë futbollin spanjoll. Ylli i Barcelonës është shpallur lojtari më i mirë i La Liga për sezonin 2025/26.
Faqja zyrtare e kampionatit spanjoll në “X” ka konfirmuar se 18-vjeçari është vlerësuar si futbollisti më i mirë i sezonit, pas paraqitjeve fantastike me fanellën e katalanasve.
Yamal luajti 28 ndeshje në La Liga këtë sezon, duke shënuar 16 gola dhe duke dhënë 12 asistime. Ai ishte një nga lojtarët kryesorë të Barcelonës në rrugën drejt titullit kampion.
Deri tani, talenti spanjoll ka zhvilluar 151 ndeshje me Barcelonën, me 49 gola dhe 52 asistime. Kontrata e tij me klubin katalanas është e vlefshme deri në vitin 2031, ndërsa vlera e tij në treg vlerësohet në 200 milionë euro.
