Botërori 2026 po afron, por organizatorët mund të përballen me një problem të rëndësishëm gjatë zhvillimit të ndeshjeve.
Sipas The Athletic, shqetësimi lidhet me rregullat e sigurisë në Shtetet e Bashkuara. Nëse rrufeja konstatohet brenda një distance rreth 13 kilometrash nga stadiumi, ndeshja duhet të ndërpritet menjëherë.
Loja mund të rifillojë vetëm pasi të kalojnë 30 minuta pa u regjistruar asnjë goditje tjetër rrufeje. Nëse gjatë kësaj kohe shfaqet një tjetër rrufe, numërimi nis sërish nga e para.
Kjo do të thotë se disa ndeshje të Kupës së Botës mund të kenë vonesa të gjata, madje edhe me disa orë, në varësi të kushteve atmosferike.
Një situatë e tillë është parë edhe gjatë Botërorit për Klube, ku disa takime u ndikuan nga ndërprerjet për arsye sigurie.
