Real Madrid po përgatitet të përforcojë mbrojtjen dhe Ibrahima Konaté është kthyer në një nga emrat kryesorë për merkaton e verës.
Sipas raportimeve, Florentino Pérez është pranë finalizimit të marrëveshjes me mbrojtësin francez, nëse fiton zgjedhjet presidenciale te Real Madrid. Konaté pritet të firmosë për katër sezone, me opsion edhe për një vit tjetër.
Mbrojtësi 27-vjeçar do të vinte si lojtar i lirë, pas ndarjes me Liverpool, ku refuzoi disa oferta për rinovimin e kontratës. Për Real Madrid, ky është një operacion i favorshëm, pasi klubi nuk do të duhet të negociojë për një shumë transferimi.
Konaté shihet si profil i përshtatshëm për skuadrën, sidomos për shkak të forcës fizike dhe aftësisë për të fituar duelet në mbrojtje. Mourinho, në rast rikthimi te Real Madrid, do ta mirëpriste afrimin e tij, pasi gjithmonë ka preferuar mbrojtës të fortë dhe agresivë.
Një tjetër faktor që mund të ndihmojë është marrëdhënia e mirë e Konaté me Kylian Mbappé. Sulmuesi francez e sheh bashkëkombësin e tij si një përforcim të vlefshëm për projektin e ri sportiv në Valdebebas.
Real Madrid ka nevojë për më shumë se një përforcim në prapavijë, pas dëmtimeve dhe largimeve të disa lojtarëve të rëndësishëm. Përveç Konaté, klubi po vlerëson edhe talentet e akademisë si Raúl Asensio, Joan Martínez, Lamini Fati, Valdepeñas dhe Diego Aguado.
Për Konaté ka interes edhe nga Bayern Munich, PSG dhe disa klube të mëdha të Premier League, por madrilenët po kërkojnë të lëvizin shpejt për ta mbyllur marrëveshjen.
