Paris Saint-Germain po përgatitet për finalen e Champions League ndaj Arsenal, ndërsa lojtarët e klubit francez kanë një motivim të madh financiar për të fituar trofeun.
Sipas L’Équipe, çdo futbollist i PSG do të përfitojë nga 1 milion euro bonus nëse skuadra arrin të mposhtë Arsenal në finale dhe të ngrejë trofeun më të rëndësishëm për klube në Evropë.
Mësohet se Marquinhos, Achraf Hakimi, Ousmane Dembélé dhe Vitinha kanë negociuar personalisht me drejtuesit e klubit për strukturën e shpërblimeve.
Ndërkohë, është zbuluar edhe se legjenda franceze Thierry Henry do t’ia dorëzojë trofeun e Champions League skuadrës fituese.
