Ditën e sotme vendi ynë do të ndikohet nga kushte atmosferike relativisht të qëndrueshme.
Moti parashikohet me kthjellime dhe alternime vranësirash mesatare kalimtare, kryesisht përgjatë relieveve malore në lindje gjatë orëve të mesditës dhe pasdites.
Reshje shiu të karakterit lokal dhe me intensitet kryesisht të ulët priten në zonat malore të lindjes dhe jugut të vendit.
Temperaturat do të shënojnë vlera të larta, ku në Tiranë, Durrës, Berat, Elbasan dhe Fier termometri pritet të arrijë deri në 35°C. Ndërsa në Shkodër dhe Lezhë temperaturat maksimale do të jenë rreth 34°C.
Era do të fryjë me drejtim veriperëndim – verilindje me shpejtësi mesatare rreth 5 m/s. Përgjatë vijës bregdetare dhe zonave luginore, era pritet të fitojë shpejtësi deri në 8 m/s.
Autoritetet këshillojnë qytetarët të shmangin ekspozimin e zgjatur në diell gjatë orëve të pikut dhe të konsumojnë sa më shumë lëngje për shkak të temperaturave të larta.
