BE-ja pezulloi për një vit tarifat doganore mbi plehrat kryesore me bazë azoti për të lehtësuar ndikimin e luftës së Iranit dhe krizës së Ngushticës së Hormuzit tek fermerët evropianë.
Këshilli i Bashkimit Evropian njoftoi të premten se pezulloi përkohësisht tarifat për plehrat thelbësorë si ureja dhe amoniaku.
Bashkimi Evropian përjashtoi produktet e importuara nga Rusia dhe Bjellorusia nga ky pezullim tarifor.
Këshilli deklaroi se masa synonte të zbutte rritjet e çmimeve që rrjedhin nga mbyllja pothuajse totale e Ngushticës së Hormuzit.
Organizata e Ushqimit dhe Bujqësisë e OKB-së (FAO) paralajmëroi në prill se një bllokadë e zgjatur e ngushticës mund të shkaktojë një katastrofë agro-ushqimore.
Zyrtarët presin që pezullimi t’u kursejë fermerëve dhe industrisë së plehrave rreth 60 milionë euro (69.6 milionë dollarë) në detyrime importi.
Këshilli e kufizoi përjashtimin nga tarifat në një kuotë specifike për të mbrojtur interesat e prodhuesve evropianë të plehrave.
Masa e re do të hyjë në fuqi një ditë pasi BE-ja ta publikojë vendimin në Fletoren Zyrtare.
