Një aksident me pasojë vdekjen është regjistruar në Tiranë, në rrugën e fshatit Damjan. Sipas informacioneve të policisë, ngjarja ka ndodhur më datë 18 maj 2026, ku automjeti me drejtues shtetasin me inicialet O. K., 26 vjeç, ka përplasur këmbësorin B. A., 57 vjeç.
Si pasojë e përplasjes, 57-vjeçari ka mbetur i plagosur rëndë dhe është transportuar në spital, por nuk ka mundur t’u mbijetojë plagëve të marra.
Ndërkohë, drejtuesi i automjetit është arrestuar nga policia, ndërsa grupi hetimor po punon për zbardhjen e plotë të rrethanave të aksidentit.
