Situata e motit të keq dhe reshjet e dendura të shiut këtë të shunë kanë sjellë shumë probleme në qarkun e Elbasanit, ku në Njësinë Administrative Karinë të bashkisë Peqin është shembur ura në fshatin Sinaballaj, duke izoluar 9 fshatra të zonës.
Fatmirësisht, nga shembja e urës nuk raportohet për persona të lënduar apo dëme në mjete.
Dyshohet se shkak është bërë kalimi i mjeteve të tonazhit të rëndë gjatë natës, ndërsa reshjet e shiut dhe kushtet e rënduara atmosferike kanë ndikuar më tej në situatë.
Ndërkohë autoritetet po punojnë për krijimin e një kalimi të përkohshëm.
