Një 23-vjeçar i shpallur në kërkim për tentativë vrasjeje është arrestuar nga policia në Tiranë.
Në pranga ka rënë shtetasi F. B., i cili kërkohej nga autoritetet pas një ngjarjeje të ndodhur në Durrës në fund të vitit të kaluar.
Sipas njoftimit zyrtar, Gjykata e Durrësit i kishte caktuar 23-vjeçarit masën e sigurisë “Arrest në burg” për veprën penale “Vrasja me paramendim”, mbetur në tentativë, kryer në bashkëpunim.
Sipas hetimeve, F. B. dyshohet se më 15 dhjetor 2025, në lagjen nr. 9 të Durrësit, brenda ambienteve të një lokali, ka tentuar të vrasë me armë zjarri shtetasin F. K., në bashkëpunim me tre persona të tjerë.
Pas arrestimit, materialet procedurale i janë referuar Prokurorisë së Durrësit për veprime të mëtejshme hetimore.
