Carlo Ancelotti do të vazhdojë të jetë në krye të Brazil edhe pas Botërorit. Federata braziliane ka njoftuar zyrtarisht rinovimin e kontratës me trajnerin italian.
Sipas njoftimit të publikuar në faqen zyrtare të kombëtares braziliane në X, marrëveshja e re mes Brazil dhe Ancelotti do të jetë e vlefshme deri në vitin 2030, me kushte financiare të përmirësuara për trajnerin 66-vjeçar.
Ky vendim tregon besimin e plotë të drejtuesve të Seleção te Ancelotti, i cili do të qëndrojë në detyrë edhe pas Botërorit, pavarësisht rezultatit që skuadra do të arrijë në turne.
Ancelotti mori drejtimin e Brazil në maj të vitit të kaluar dhe deri tani ka udhëhequr kombëtaren në 10 ndeshje, duke regjistruar 5 fitore, 2 barazime dhe 3 humbje.
Në Botëror, Brazili do të jetë në Grupin C, ku do të përballet me Marokun, Haitin dhe Skocinë.
