Uragani Milton ndodhet rreth 775 kilometra larg nga Tampa, Florida dhe të paktën 3.3 milionë banorët e këtij janë në gatishmëri të plotë.
Qindra mijëra janë duke evakuuar shtetin e Floridës, ku pritet një stuhi e egër, më e keqja në 100 vitet e fundit.
Autoritetet presin që kur të arrijë kulmin e saj, erërat do të lëvizin midis 280, ndoshta deri në 350 km/h, uji do të kalojë lartësinë 5 metra dhe do të ketë dallgë 3 metra lartësi.
Paralajmërimi se “kush nuk ikën do të vdesë” i autoriteteve amerikane nuk duket aspak i ekzagjeruar.
Sepse nuk janë vetëm 5 metra uji dhe valët 3 metra, por edhe erërat e forta të stuhisë, të cilat do të çrrënjosin dhe fshijnë gjithçka në rrugën e tyre, duke i kthyer ato në mbeturina vdekjeprurëse që do të lëvizin me shpejtësi.
Më shumë se një milion banorë të Floridës, shumë nga zonat që u goditën nga uragani “Helene” në ditët e mëparshme janë larguar nga shteti, pasi ata janë paralajmëruar të largohen ose “do të vdesin” nëse nuk e bëjnë këtë.
Kjo ka bërë që në autostrada të ketë radhë kilometrike, por edhe mungesë karburanti. Edhe burgjet në Floridas u evakuuan, duke transferuar 4636 të burgosur në burgje të tjera.
Dhe ndërsa ka një luftë titanike për të siguruar që nuk do të mbarojë karburanti, Presidenti Biden, i cili premtoi se shteti do të qëndrojë pranë të prekurve, lëshoi një paralajmërim të ashpër për linjat ajrore “të mos guxojnë të rrisin çmimet e biletave”.
Ndërkohë, 5000 ushtarë të Gardës Kombëtare, me helikopterë shpëtimi, varka dhe mjete speciale amfibe, janë vendosur në zonën më të gjerë dhe presin të ndërhyjnë aty ku është e nevojshme.
Dhjetë spitale dhe më shumë se 300 struktura të kujdesit (të moshuar, të sapolindur, pacientë, etj.) janë evakuuar dhe spitalet në gatishmëri po përgatiten për skenarin më të keq. Milton është intensifikuar në Kategorinë 5. Sinoptikanët duken të alarmuar pasi vlerësojnë se uragani ka potencialin të dyfishojë shpejtësinë e erës pak para se të arrijë në tokë.
