Intervista e dhënë prej Ministrit Ferit Hoxha, në Euroactiv, e postuar ditën e djeshme ka vijuar të sjellë përpalsjen edhe gjatë ditës së sotme. Ku ka qenë kryeministri Edi Rama, ai i cili ka reaguar për herë të dytë përmes një postimi në “X”.
Kujtojmë se bëhet fjalë për një deklaratë të dhënë nga Ministri në lidhje me marrëveshjen Shqipëri-Itali, sa i përket emigranëtve, për këtë u deklarua si nga Hoxha dhe nga Rama se u keqkuptua.
Ndërkohë në një artikull të postuar sërish, redaktori i Euroactiv ka shkruar se: “Për sqarim, ja çfarë më tha Hoxha, fjalë për fjalë: “Po ju them se pas pesë vitesh, sapo Shqipëria të anëtarësohet, kjo nuk është më ekstraterritoriale. Është territor i Bashkimit Evropian. Së pari, është për pesë vjet dhe nuk jam i sigurt nëse do të ketë një zgjatje. Së dyti, nuk do të ketë zgjatje sepse ne do të jemi anëtar të Bashkimit Evropian.” Do të isha i lumtur të ndaja një kopje të transkriptit me kryeministrin, nëse ai dëshiron ta shohë atë”, nën një paragraf të artikullit të titulluar Edi vs Eddy.
Kryeministri i është përgjigjur këtij ripublikimi nga media duke u shprehur se: “ e kuptoj që është argëtuese të krijohet një histori “Edi kundër Eddy”, por këtu realisht nuk ka vend për një gjë të tillë, sepse së pari, unë nuk u ankova për Edi-n tjetër, dhe së dyti, tani që ti me bujari publikove transkriptin e plotë, është krejtësisht e qartë se citimi i shkurtuar ishte mjaftueshëm çorientues që kushdo me një interes ideologjik të caktuar ta përdorte sipas dëshirës së vet.”
Më tej ai shton se nuk ka hatërmbetje dhe se: “Njëri Eddy duhet të bëjë atë që dëshiron, dhe Edi tjetër duhet ta durojë atë.”
Postimi i plotë: I dashur Eddy Wax, e kuptoj që është argëtuese të krijohet një histori “Edi kundër Eddy”, por këtu realisht nuk ka vend për një gjë të tillë, sepse së pari, unë nuk u ankova për Edi-n tjetër, dhe së dyti, tani që ti me bujari publikove transkriptin e plotë, është krejtësisht e qartë se citimi i shkurtuar ishte mjaftueshëm çorientues që kushdo me një interes ideologjik të caktuar ta përdorte sipas dëshirës së vet.
Por sinqerisht, aspak hatërmbetje. Njëri Eddy duhet të bëjë atë që dëshiron, dhe Edi tjetër duhet ta durojë atë.
Në fund të fundit, thelbi mbetet i pandryshuar: Çfarë Italia kërkon nga Shqipëria, Italia e merr nga Shqipëria.
Kujtojmë se ditën e djeshme u bënmë reagime, nga ministri Hoxha, Rama dhe Meloni në lidhje me ngjarjen.
