Pas eliminimit nga “Ferma VIP 3”, Fabjola Elezaj ka reaguar për herë të parë në rrjetet sociale, duke ndarë me ndjekësit një gjendje mjaft reflektive dhe melankolike.
Largimi i saj erdhi si pasojë e një vendimi të marrë nga produksioni, i cili hapi një televotim pas gjuhës së rëndë fyese që ajo përdori gjatë “Prime-it” të së hënës së kaluar.
Publiku vendosi me votën e tij që rrugëtimi i Fabjolës në fermë duhet të ndërpritej të premten.
Mbrëmjen e djeshme, Fabjola ka thyer heshtjen duke postuar disa pjesë nga teksti i këngës së Yll Limanit, “Nuk po ec”.
Vargjet e zgjedhura si: “Prap i hupa krejt çka pata”, “Nuk po ec, nuk po ec” dhe “Po du mu kthy kur u kon’ mirë”, “E te dera nana me m’prit”, duket se janë një dedikim i drejtpërdrejtë për situatën e saj aktuale.
Ky mesazh i koduar tregon qartë se ajo nuk po kalon ditët e saj më të mira dhe ndoshta ndjen një peshë të madhe për veprimet dhe fjalët që i kushtuan qëndrimin në shtëpi.
