Dalin detaje të reja lidhur me vrasjen e djeshme të biznesmenit Rexhep Ismailit në Sarandë me armë zjarri në lokalin e tij.
Mësohet se 66-vjecari Rexhep Ismaili nuk ishte objektivi kryesor i këtij atentati.
Sipas burimeve paraprake, gjashtë të rinjtë, shkuan rreth orës 21:28 tek lokali në kryqëzimin e rrugës Sarandë- Himarë, pasi kishin informacion se aty ndodhej 50-vjeçari Tori Ruci alias Viktor Ruci, me origjinë nga Tepelena dhe banues prej shumë vitesh në fshatin Gjashtë të Sarandës.
Ruci, një person me precedentë të shumtë penalë që prej fillimit të viteve 2000, i përfshirë së fundmi edhe në një grup trafiku droge në Sarandë.
Ndonëse u ndalua në shkurt të këtij viti për një dënim të vitit 2019, ai u lirua nga qelia më 12 mars 2026.
Mësohet se, një prej të rinjve të përfshirë dje në ngjarje, kishte mosmarrëveshje me Rucin për çështje pronësie lidhur me një lokal në zonën e bregdetit.
Ndërkohë policia po punon për zbardhjen e plotë të kësaj ngjarje dhe kapjen e autorëve të dyshuar.
