Përkeqësimi i kushteve hidrometeorologjike në zonën e Vlora ka sjellë masa kufizuese për lundrimin gjatë ditës së sotme, 8 maj 2026.
Sipas njoftimit zyrtar, duke nisur nga ora 08:00, në Gjirin e Vlorës dhe jashtë tij priten erëra të forta në drejtimin jug–juglindje me forcë 6 deri në 7 ballë, me shpejtësi 15–20 m/s, ndërsa lartësia e dallgëve do të arrijë nga 1.5 deri në 2.5 metra.
Për shkak të kushteve të rënduara atmosferike, autoritetet kanë ndaluar pajisjen me leje nisjeje për mjetet e vogla lundruese dhe ato të peshkimit që operojnë në det të hapur, jashtë Gjirit të Vlorës. Ky kufizim do të jetë në fuqi deri në orën 22:00 të mbrëmjes së sotme.
Ndërkohë, institucioneve dhe subjekteve që operojnë në fushën e detarisë u është kërkuar të marrin masa për sigurimin e mjeteve në porte dhe rritjen e gatishmërisë së ekuipazheve, me qëllim shmangien e çdo rreziku apo emergjence.
Autoritetet bëjnë me dije se anijet e transportit ndërkombëtar detar do të vijojnë aktivitetin normal sipas destinacioneve të planifikuara.
Sipas parashikimeve, situata hidrometeorologjike pritet të përmirësohet pas orës 22:00 të datës 8 maj 2026.
