Milan jo vetëm që nuk ka hequr dorë nga ideja për të transferuar Joao Felix, por kuqezinjtë do i bëjnë Chelsea-s një ofertë interesante me kushte të reja. Calciomercato.com raporton se Milan do t’i kërkojë Chelsea-s huazimin 18 mujor të Joao Felix me detyrim blerjeje për 35 milionë euro, në verën e vitit 2026.
Kujtojmë që Joao Felix u transferua verën e kaluar te “Blutë” për 50 milionë euro, por nuk ka arritur dot të gjejë vend titullari në formacionin e Maresca-s, ndaj është i hapur për një eksperiencë të re.
Sergio Conceicao iu ka kërkuar drejtuesve kuqezi të bëjnë disa perforcime në merkaton e janarit dhe një nga emrat në listë është ai i Joao Felix, pasi pista Rashford duket se është shumë e largët për t’u realizuar.
Negociatat e vazhdueshme mes Manchester United dhe Milan për huazimin e Marcus Rashford nuk kanë shkuar siç pritej, ndaj dhe kuqezinjtë kanë kthyer gjithë vëmendjen në Londër, ku presin të finalizojnë marrëveshjen për Joao Felix.
