Bota mund të përballet me “spektrin e një recesioni global” nëse liria e lundrimit përmes Ngushticës së Hormuzit nuk rivendoset deri në fund të këtij viti, u tha gazetarëve Sekretari i Përgjithshëm i OKB-së Antonio Guterres.
Në skenarin ku “ndërprerjet e rënda vazhdojnë deri në fund të vitit, inflacioni rritet ndjeshëm mbi 6%, rritja bie në 2%, vuajtje të mëdha do të mbizotërojnë, veçanërisht midis popullatave më të cenueshme në botë”, tha Sekretari i Përgjithshëm i OKB-së.
“Dhe ne përballemi me spektrin e një recesioni global – me ndikime dramatike tek njerëzit, në ekonomi dhe në stabilitetin politik dhe shoqëror”, theksoi ai.
“Sa më gjatë të mbetet e bllokuar kjo arterie jetësore, aq më e vështirë do të jetë të riparohet dëmi”, vuri në dukje Guterres.
