Ish-Prokurorja e Përgjithshme e Shtetet e Bashkuara të Amerikës, Pam Bondi, ka pranuar të paraqitet para Kongresit më 29 maj, për të dëshmuar lidhur me mënyrën e trajtimit të dokumenteve federale që lidhen me rastin e Jeffrey Epstein.
Sipas Komitetit Mbikëqyrës të Dhomës së Përfaqësuesve, i drejtuar nga republikanët, dëshmia e saj është siguruar pas muajsh mosparaqitjeje. Demokratët në komitet reaguan duke thënë se njoftimi për datën e dëshmisë erdhi vetëm pak minuta pasi ata ngritën akuza për shpërfillje gjykate ndaj saj.
Përfaqësuesi demokrat Robert Garcia deklaroi se Bondi ka refuzuar të bashkëpunojë me thirrjet e komisionit dhe se dëshmia e saj është thelbësore për të sqaruar trajtimin e dosjeve Epstein nga administrata.
Çështja lidhet me publikimin e dokumenteve federale që, sipas ligjvënësve, duhet të bëhen publike, si dhe me hetimet për mënyrën se si janë menaxhuar dosjet gjatë kohës së saj në detyrë.
Bondi më herët ka argumentuar se pas largimit nga posti i Prokurores së Përgjithshme nuk është më e detyruar të dëshmojë, ndërsa demokratët theksojnë se thirrja është bërë ndaj saj personalisht dhe jo vetëm ndaj funksionit që ka mbajtur.
