Reperi famëkeq, Hysen Hysenaj, i cili përdorë gjuhë të ulët në tekstet e tij, dhe kërcënon gazetarë përmes rrjeteve sociale, është dënuar me 6 muaj burgim dënim i cili është zëvendësuar me gjobë në shumë prej 1,800 euro (një mijë e tetëqind) euro.
Gjykata Themelore në Prishtinë, e dënoi Hysenin për kërcënimin ndaj gazetarit të Gazetës Nacionale, Col Mehmeti.
E plotë:
Gjykata Themelore në Prishtinë – Departamenti i Përgjithshëm – Divizioni për Çështje Penale pas pranimit të Aktakuzës me kërkesë për caktim të paraburgimit në çështjen penale ndaj të pandehurit H.H. për shkak të veprës penale Kanosje, ka mbajtur seancën dëgjimore dhe përmes Aktvendimit ka refuzuar kërkesën e PTHP për caktimin e masës së paraburgimit ndaj të njëjtit. Gjykata ka mbajtur seancën fillestare dhe pasi i pandehuri e ka pranuar fajësinë, gjykata i ka shqiptuar dënim me burgim në kohëzgjatje prej gjashtë (6) muaj, dënim i cili me pëlqimin e të pandehurit dhe mbrojtësit të tij është zëvëndësuar me dënim me gjobë në shumë prej 1,800 euro (një mijë e tetëqind) euro, dënim i cili obligohet ta paguajë në afat prej 15 ditëve nga plotfuqishmëria e këtij aktgjykimi./Marrë nga Nacionale.com
