Barcelona hodhi një hap gjigant drejt titullit kampion, duke fituar 2-0 në transfertë ndaj Getafe. Skuadra e Hansi Flick përfitoi nga hapi fals i Real Madridit ndaj Betis dhe tashmë kryeson La Liga-n me 11 pikë avantazh.
Edhe pa Lamine Yamal, Raphinha dhe Eric García, katalanasit treguan pjekuri dhe kontroll. Protagonisti kryesor ishte Pedri, i cili udhëhoqi lojën dhe dha asistin perfekt për Fermín, që zhbllokoi ndeshjen në fundin e pjesës së parë.
Në pjesën e dytë, Barcelona ruajti qetësinë dhe priti momentin e duhur për të mbyllur sfidën. Goli i dytë erdhi nga Rashford, pas një kundërsulmi të shpejtë që vulosi fitoren 2-0.
Me këtë sukses, Barcelona regjistron fitoren e nëntë radhazi në kampionat dhe afrohet shumë me titullin. Nëse fiton ndaj Osasuna dhe Real Madridi nuk mund Espanyol, skuadra e Flick mund të shpallet kampione që javën e ardhshme.
