Gugash Magani nuk e ka kapërdirë humbjen e thellë 4-0 ndaj Egnatias, ku skuadra e Tiranës u shpërbë plotësisht gjatë pjesës së dytë. Pas kësaj disfate të rëndë, trajneri ka paraqitur dorëheqjen e tij në fund të ndeshjes, duke shprehur dëshirën për të larguar nga pankina e ekipit.
Në komunikimin e tij me drejtuesit e klubit bardheblu, Magani ka theksuar se në një situatë të tillë, ai nuk mund të vazhdojë të drejtojë skuadrën. Ai ka pohuar se ishte e pamundur të jepte një impuls për një ekip që aktualisht është përfshirë në luftën për mbijetesë dhe që ka nevojë për një rikonfigurim të thellë për të shpëtuar sezonin.
Tani, përgjegjësia është në dorën e presidentit Refik Halili, i cili duhet të vendosë nëse do ta pranojë dorëheqjen e trajnerit dhe të mbyllë kontratën me mirëkuptim, apo do të insistojë për të mbajtur Maganin në pankinë. Ky vendim është shumë i rëndësishëm, pasi një tjetër largim trajneri mund të jepte goditjen fatale për Tiranën në betejën e saj për mbijetesë në kampionat.
Sot Tirana u mposht nga Egnatia me rezultatin turpërues 0-4.
