Një 30-vjeçar është arrestuar nga Policia në Sarandë pasi u kap në flagrancë duke qarkulluar i armatosur me pistoletë në automjet.
Sipas njoftimit të Policisë, në orët e para të mëngjesit, në lagjen nr. 4, policia lokalizoi dhe ndaloi automjetin që drejtohej nga shtetasi me inicialet D. Z., 30 vjeç, banues në Vlorë.
Gjatë kontrollit fizik dhe në automjet, efektivët gjetën një armë zjarri pistoletë dhe një krehër me fishekë, të cilat u sekuestruan në cilësinë e provës materiale, së bashku me automjetin.
Në përfundim të veprimeve procedurale, 30-vjeçari u arrestua në flagrancë për veprën penale “Mbajtja pa leje dhe prodhimi i armëve, armëve shpërthyese dhe i municionit”, ndërsa materialet iu referuan Prokurorisë së Sarandës për veprime të mëtejshme.
