Presidenti i Ukrainës, Volodymyr Zelensky, pranoi se lufta në Iran e ka larguar vëmendjen nga agresioni i Rusisë kundër vendit të tij.
Zelensky tha për CNN se ishte një “rrezik i madh” të mendosh se përpjekjet për t’i dhënë fund luftimeve në Ukrainë nuk mund të rifillojnë derisa të përfundojë konflikti në Iran.
Ai deklaroi se, ndërsa bisedimet teknike me Shtetet e Bashkuara janë ende duke u zhvilluar, ai nuk “e sheh mundësinë për t’u takuar… derisa çështja e Iranit të mbyllet”.
Zelensky theksoi se ishte një “sfidë” që i njëjti ekip negociatorësh amerikanë, i udhëhequr nga i dërguari amerikan Steve Witkoff dhe dhëndri i Presidentit amerikan Donald Trump, Jared Kushner po udhëhiqte si bisedimet për luftën në Iran ashtu edhe në Ukrainë.
Dhe ai tha se, ndërsa e kupton që Shtetet e Bashkuara aktualisht janë të përqendruara në luftën e tyre kundër Iranit, është e rëndësishme të mos harrohet Ukraina, ku luftimet vazhdojnë.
“Nuk ishte një mundësi të thuhej se “do të flasim për (Ukrainën) pak më vonë. … Ukraina nuk është ‘pak më vonë’. Ukraina është tashmë në një tragjedi kaq të madhe, sa duhet të gjejmë një mënyrë për ta menaxhuar këtë në një mënyrë paralele”, sipas udhëheqësit ukrainas.
Zelesnky nënvizoi gjithashtu se lufta ka bërë që disa furnizime me armë kyçe për Ukrainën të ndërpriten, veçanërisht raketat antibalistike, për të cilat ai tha se Ukraina nuk po merrte mjaftueshëm për shkak të kapacitetit të kufizuar të prodhimit në SHBA.
