Mbahet sot seanca e radhës gjyqësore për dosjen Partizani, me të pandehur Sali Berishën, dhëndrin e tij Jamarbër Malltezi dhe të tjerë.
Avokati i ish-kryeministrit, Genc Gjokutaj dhe Jamarbër Malltezi kanë hyrë në Gjykatën e Posaçme për të marrë pjesë në seancë.
Kujtojmë që në seancën e kaluar, gjykata pranoi kërkesën e kryedemokratit për të thirrur si dëshmitar në këtë çështje kryeministrin Edi Rama.
Berisha akuzohet nga SPAK se në kohën kur ka qenë kryeministër ka ndërmarrë ndryshime ligjore në përfitim të dhëndrit të tij Malltezi, duke i mundësuar këtij të fundit që të ndërtonte biznesin e një kompanie nga e cila përfitoi 5.4 milionë euro.
