Pasi muri rrethues i ujëmbledhësit të hidrocentralit Sasaj në Bunec të Lukovës është çarë mesditën e sotme duke shkaktuar përmbytje në fshatrat Lukovë dhe Bunec, situata duket se është përkeqësuar!
Më herët Ministria e Mbrojtjes bëri me dije se janë përmbytur 12 biznese turistike e nënstacioni elektrik që furnizon Lukovën dhe Borshin.
Për shkak të këtij incidenti, të dy zonat janë pa energji elektrike për disa orë, duke shkaktuar shqetësim të madh te banorët dhe bizneset lokale.
Ndërsa u raportua se alternativa e furnizimit me energji nga Nënstacioni i Kuçit, siç pretendohet, është e pamundur sepse para një muaji është hequr nënstacioni portabël që i ishte vënë Borshit për sezonin turistik.
Situata vijon të jetë serioze!
