Një ngjarje e rëndë është regjistruar mëngjesin e sotëm në Savër të Lushnjes, ku një person është gjetur i pajetë në rrugë. Viktima është identifikuar si Skënder Malia, rreth 55 vjeç.
Sipas të dhënave paraprake, dyshohet se humbja e jetës mund të ketë ardhur si pasojë e konsumit të tepërt të alkoolit, megjithatë shkaku i saktë pritet të përcaktohet nga ekspertiza mjeko-ligjore.
Kanë qenë banorët e zonës ata që konstatuan trupin e pajetë dhe njoftuan menjëherë autoritetet. Në vendngjarje mbërritën shërbimet e policisë dhe urgjencës, të cilat nisën veprimet për zbardhjen e plotë të rrethanave.
Trupi është transportuar për ekzaminime të mëtejshme, ndërsa pritet një konfirmim zyrtar mbi shkakun e vdekjes.
