Rreth tre orë ka zgjatur protesta e opozitës dhe qytetarëve në Tiranë, ku ajo që ka lënë pas janë kazanë mbëturinash të djegur, rreklama të thyera e biznese të dëmtuara.
Disa qytetarë u dëmtuan nga sulmet e policisë kundër protestuesve, teksa qindra të tjerë mbetën të lënduar më lehtë nga gazi lotsjellës. Mes këtyre të fundit dhe një vajzë e vogël e cila u gjend rastësisht në zonën ku ishin protestuesit
Nga ana tjetër 10 efektivë të policisë kanë mbëtur të lënduar, dhe vetëm tre prej tyre ndodhen tashmë në spital jashtë rrezikut për jetën. Ekspertët e kriminalistikës kanë dalë në vendet ku ishin protestuesit, duke mbledhur provat e shpërthimeve të ndodhura.
Protestuesit hodhën molotov para kryeministrisë, selisë së PS, ministrisë së Brendëshme dhe Bashkisë së Tiranës si dhe shkatërruan reklamat e vendosura në rrugë. Ata gjithashtu dogjën pemë, kanë sulmuar biznese dhe një ambulancë.
Nuk munguan edhe kundërpërgjigjet e policisë të cilët vazhdimisht qëlluan me gaz lotsjellës, ujë dhe tymuese për të shpërndarë protestuesit.
