Një aksident ka ndodhur pasditen e sotme në sheshin “Prek Cali” në Shkodër, teksa një motomjet ka përplasur një 47-vjeçar me inicialet A. Gj., i cili po lëvizte me biçikletë.
Si pasojë e aksidentit, i dëmtuari është transportuar në Spitalin Rajonal të Shkodrës, jashtë rrezikut për jetën.
Njoftimi i policisë:
Rreth orës 17:00, në sheshin “Prek Cali”, një motomjet i paidentifikuar ka përplasur shtetasin A. Gj., 47 vjeç, i cili po lëvizte me biçikletë.
Si pasojë e aksidentit, është dëmtuar shtetasi A. Gj., i cili ndodhet në Spitalin Rajonal Shkodër, jashtë rrezikut për jetën.
Grupi hetimor, nën drejtimin e Prokurorisë, po punon për sqarimin e rrethanave të aksidentit.
