Presidenti amerikan Donald Trump ka deklaruar se Ngushtica e Hormuzit do të hapet “plotësisht dhe shumë shpejt”, me ose pa bashkëpunimin e Iranit.
Duke folur përpara gazetarëve Trump u shpreh se Shtetet e Bashkuara janë të vendosura të rikthejnë lirinë e lundrimit në këtë rrugë detare kyçe për tregtinë globale.
“Ne do ta hapim Gjirin – ose ngushticën, siç e quajnë ata – me ta ose pa ta,” deklaroi ai, duke iu referuar autoriteteve iraniane.
Ai shtoi se situata do të zgjidhet në një kohë shumë të shkurtër: “Do të ndodhë shumë shpejt; nëse jo, do ta përfundojmë në një mënyrë ose në një tjetër.”
Sipas Trump, presioni ekonomik ndaj Iranit do ta detyrojë këtë të fundit të tërhiqet nga kufizimet e vendosura mbi kalimin detar. “Ngushtica do të hapet automatikisht, sepse Irani nuk do të fitojë para ndryshe,” theksoi ai.
