Në takimin e zhvilluar pasditen e sotme në njësinë numër 2 të Tiranës për skemën e re të pensioneve, kryeministri Rama u përball me kritika dhe lëvdata nga qytetarët e pranishëm.
Njëri prej qytetarëve ngriti zërin e tij për faktin se kategoria ushtarake ka hasur pengesa për të dhënë kontributin e tyre pasi ligji aktual i pensioneve pengon veprimtarinë e tyre të punës.
“Paguhem me pension të parakohshëm, doja të ngrija një problem që lidhet me kategorinë ushtarake. Ligji aktual na pengon punësimin dhe kontributin tonë” tha qytetari.
Përgjigje kësaj pyetje i dha ministrja Ibrahimaj e cila sqaroi se për profesionet që rrezikojnë të zhduken është marrë vendimi që mundëson rikthimin në detyrë edhe të personave të cilët prej kohësh kanë dalë në pension, duke u mundësuar atyre të ardhura më të larta.
