TIRANË – Sot është mbledhur në Kryesinë e Kuvendit, grupi parlamentar i Partisë Socialiste.
Në mbledhjen e grupit janë diskutuar nismat e deputetëve socialistë që janë bërë publike edhe gjatë seancave plenare.
Në mbledhje është diskutuar edhe për situatën e fundit të ndodhur në Kuvend me opozitën.
Mësohet se deputeti Xhemal Qefalia ka ngritur shqetësimin në mbledhjen e grupit për incidentet e krijuara në seancën e së enjtes dhe ka kërkuar një menaxhim më të mirë të situatës nga shërbimet e sigurisë.
Kryetarja e kuvendit, Elisa Spiropali ka informuar deputetët në mbledhje se Garda është duke hartuar një plan të ri masash për të menaxhuar më mirë situatën në parlament për të evituar skenat e seancës së fundit parlamentare.
Për socialistët mbetet i njëjti udhëzim si ai para nisjes së aksionit të deputetëve demokrat në parlament, që të vijojnë punën e tyre të pashqetësuar, pavarësisht aksionit të opozitës dhe akteve ekstreme të tyre.
Ndërkohë në kryeministri janë marrë masat e para, për fortifikimin dhe blindimin e dyerve përpara nisjes së protestës në orën 18:00.
