Katër astronautët e Artemis II – amerikanët Reid Wiseman, Victor Glover, Christina Koch dhe kanadezi Jeremy Hansen – u bënë njerëzit që kanë shkuar më larg Tokës në histori.
Ekuipazhi udhëton me kapsulën Orion që prej nisjes nga Florida dhe ndodhet në ditën e gjashtë të misionit. Gjatë kësaj faze, ata pritet të arrijnë rreth 252,757 milje larg Tokës, duke kaluar rekordin e mëparshëm të vendosur nga misioni Apollo 13 më shumë se pesë dekada më parë.
Kjo fazë përbën momentin kryesor të misionit Artemis II, një fluturim testues me ekuipazh që zgjat rreth 10 ditë. Programi Artemis synon rikthimin e astronautëve në Hënë brenda kësaj dekade dhe ndërtimin e një pranie të qëndrueshme që do të shërbejë si bazë për misione drejt Marsit.
