Joz Marku duket se ka vendosur të nisë një kapitull të ri në jetën e tij, dhe këtë herë jo vetëm në stil jetese, por edhe në pamje.
Pas festimeve të 30-vjetorit, ish-banori i “Big Brother VIP Albania 4” ka zgjedhur një arratisje luksoze në Punta Cana, duke ndarë me ndjekësit momente nga pushimet mes rërës së bardhë dhe ujërave kristal.
Por ajo që ka tërhequr më shumë vëmendje nuk janë vetëm pamjet tropikale, por transformimi i tij i papritur. Këngëtari është shfaqur krejtësisht tullac, një look që nuk e kishim parë më parë gjatë rrugëtimit të tij publik.
Me sa duket, hyrja në një dekadë të re ka sjellë edhe një “reset” total për Jozin, i cili po e shijon këtë ndryshim me humor, duke e quajtur veten “Jozinho”. Ky transformim ka ndezur menjëherë rrjetin, me fansat që kanë reaguar mes surprizës dhe komplimenteve për guximin e tij për të eksperimentuar me imazhin e tij.
