Një aksident i rëndë ka ndodhur në verilindje të Gjermanisë ku kanë mbetur të vdekur dy persona. Një autobus i distancave të gjata në Gjermani u aksidentua në autostradë duke u rrëzuar plotësisht. Për pasojë mbeten të vdekur dy persona dhe 4 të tjerë u plagosën rëndë.
Ngjarja ndodhi të shtunën, në një dalje të autostradës A11 që çon drejt një parkingu pranë një nyjeje afër Prenzlau, verilindje e Berlinit.
Sipas agjencisë gjermane të lajmeve dpa, aksidenti përfshiu një autobus të operuar nga Flixbus, operatori kryesor i autobusëve të distancave të gjata në Gjermani.
